Síðasta Gæðastund á vormisseri 2024 sem áætluð var á morgun þriðjudag 23. apríl FELLUR NIÐUR vegna veikinda. Þar með er dagskrá Gæðastunda
á vormisseri 2024 lokið. Við hlökkum til að sjá ykkur aftur í haust, en dagskrá Gæðastunda á haustmisseri 2024 verður tilkynnt síðar.
☀️ GLEÐILEGT SUMAR ! ☀️

Perlukórinn, barna- og unglingakór Háteigskirkju, ásamt orgelnemendum frá Reykjavík sungu og spiluðu í Akureyrarkirkju með kórum kirkjunnar í dag á lokahátíð barnastarfs Akureyrarkirkju. Upptaka útvarpsmessu með kórunum fór fram í gær í kirkjunni og verður henni útvarpað á sumardaginn fyrsta næstkomandi fimmtudag 25. apríl á Rás 1. Guðný Einarsdóttir söngmálastjóri þjóðkirkjunnar og skólastjóri Tónskóla þjóðkirkjunnar skipulagði heimsóknina ásamt Erlu Rut Káradóttur organista og kórstjóra í Háteigskirkju og Sigrúnu Mögnu Þórsteinsdóttur organista og kórstjóra í Akureyrarkirkju.

Messa kl. 11. Sr. Davíð Þór Jónsson prédikar og þjónar fyrir altari. Organisti er Arngerður María Árnadóttir. Kordía, kór Háteigskirkju syngur. Heitt á könnunni að messu lokinni. Verið öll hjartanlega velkomin.

Minnum á Foreldramorgunn á morgun, miðvikudag 17. apríl á milli kl. 10-11:30 í Setrinu, kaffistofurými á 1. hæð í safnaðarheimili Háteigskirkju. Leikstund fyrir börnin, foreldraspjall og léttar veitingar/kaffi/te.
Foreldrar með ungabörn verið velkomin !

Minnum á Gæðastund eldri borgara, á morgun þriðjudag 16. apríl kl. 13:30-15 í veislusal á 2. hæð í safnaðarheimili Háteigskirkju. Á þessari Gæðastund mun Steinunn Jóhannesdóttir, rithöfundur og leikhúsmanneskja, flytja seinni hluta erindis sem ber yfirskriftina “Hallgrímur Pétursson og Guðríður Símonardóttir – Merkilegir einstaklingar og athyglisverðasta parið á Íslandi á 17. öld.“
Hlökkum til að sjá ykkur !
Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem ávallt er boðið upp á kaffi og góðar veitingar.
Tími: Þriðjudaga kl. 13:30-15.
Staðsetning: Safnaðarheimili Háteigskirkju (norðurinngangur) í veislusal á 2. hæð.
(Meðfylgjandi myndir eru frá góðri Gæðastund sl. þriðjudag 9. apríl en þá flutti Daði Guðbjörnsson, myndlistarmaður, erindi sem bar yfirskriftina “Listin og lífið”).

Messa kl. 11. Sr. Jón Ásgeir Sigurvinsson prédikar og þjónar fyrir altari. Organisti er Arngerður María Árnadóttir. Kordía, kór Háteigskirkju syngur. Heitt á könnunni að messu lokinni. Verið öll hjartanlega velkomin.

Minnum á Foreldramorgunn á morgun, miðvikudag 10. apríl á milli kl. 10-11:30 í Setrinu, kaffistofurými á 1. hæð í safnaðarheimili Háteigskirkju. Leikstund fyrir börnin, foreldraspjall og léttar veitingar/kaffi/te.
Foreldrar með ungabörn verið velkomin !

Minnum á Gæðastund eldri borgara, á morgun þriðjudag 9. apríl kl. 13:30-15 í veislusal á 2. hæð í safnaðarheimili Háteigskirkju. Á þessari Gæðastund mun Daði Guðbjörnsson, myndlistarmaður, flytja erindi sem ber yfirskriftina “Listin og lífið”.
Hlökkum til að sjá ykkur !
Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem ávallt er boðið upp á kaffi og góðar veitingar.
Tími: Þriðjudaga kl. 13:30-15.
Staðsetning: Safnaðarheimili Háteigskirkju (norðurinngangur) í veislusal á 2. hæð.
(Meðfylgjandi myndir eru frá góðri Gæðastund sl. þriðjudag 19. mars en þá flutti Steinunn Jóhannesdóttir, rithöfundur og leikhúsmanneskja, fyrri hluta erindis sem ber yfirskriftina “Hallgrímur Pétursson og Guðríður Símonardóttir – Merkilegir einstaklingar og athyglisverðasta parið á Íslandi á 17. öld.“. Steinunn flytur seinni hluta erindisins á Gæðastund þriðjudaginn 16. apríl.)

Sunnudagur 7. apríl. Fermingarguðsþjónusta kl. 10:30. Jón Hafsteinn Guðmundsson leikur á trompet.
Kordía, kór Háteigskirkju syngur.
Organisti er Erla Rut Káradóttir.
Sr. Helga Soffía Konráðsdóttir,
sr. Davíð Þór Jónsson.