Gallerí Göng

Um Gallerí Göng

Gallerí Göng hóf starfsemi sína 15 mars 2018, með sýningu Olle Medin listmálara frá Svíþjóð. Síðan þá hefur Jóhanna V Þórhallsdóttir myndlistakona séð um rekstur gallerísins en það er opið mánudaga-fimmtudaga kl 10-16 og föstudaga kl 10-15.  Stundum um helgar en þá er það sérstaklega auglýst á facebook síðu gallerísins.

Jón Thor Gíslason
Sjónmál
20/6-18/7

Facebook
Twitter
LinkedIn

2021

Jón Thor Gíslason

Sjónmál

Verið hjartanlega velkomin á opnun sýningar Jóns Thors Gíslasonar, sunnudaginn 20.júní kl 14-17 „Sjónmál“ í Gallerí Göngum, Háteigskirkju, gengið inn frá safnaðarheimilinu. 

Jón Thor býr í Düsseldorf í Þýskalandi.
Eftir nám við Staatliche Akademie der Bildenden Künste í Stuttgart (1989-1994), ílengdist hann í Þýskalandi og hefur síðan þá starfað að list sinni þar í landi.
Jón Thor hefur sýnt verk sín víða um heim í galleríum, söfnum og á listamessum.
Eftir langt hlé á sýningarhaldi hér heima sýndi Jón Thor í SÍM salnum 2018 og aftur 2019 í Mokkakaffi við Skólavörðustíg.
Sýningin stendur til 18 júlí og er opin virka daga frá kl 10 – 16, föstudaga frá kl 10-15. Auk þess verður opið tvær síðustu sýningarhelgarnar, laugardag og sunnudag frá kl 14 – 17.

Amy Alice Riches og Ragnheiður Ásta Valgeirsdóttir

Fornir kraftar

Amy Alice Riches og Ragnheiður Ásta Valgeirsdóttir opna sýninguna sína: Fornir kraftar // Ancient powers, mánudaginn 24. maí kl. 14-16 í Gallerí Göngum, Háteigskirkju. 

Kveikjan af sýningunni átti sér stað á göngu um Barnaborgir á Vesturlandi seinasta sumar þar sem við dáðumst af mikilfenglegum tröllkarli í hrauninu. Við komumst að þeirri niðurstöðu að það væri áhugavert að gera sýningu með fornar sögur, verur og krafta í huga, en eins konar tvennu sýningu þar sem við vinnum báðar með sama viðfangsefnið , enn á mjög ólíka vegu. Amy er málari og vinnur öll verkin fyrir sýninguna með olíu á striga, meðan Ragnheiður sem er teiknari vinnur sín verk með kolum á striga. Út frá því koma fram skemmtilegar andstæður lita og aðferða á sýningunni. 

Á meðan vinnu fyrir sýninguna stóð kom svo skemmtileg viðfangsefni til sögunnar, en það var nýja eldgosið í Fagradalsfjalli. Amy hefur málað 50 litlar olíumyndir af eldgosinu síðan það byrjaði, eina á hverjum degi. Þessi verk verða einnig til sýnis á sýningunni.

Jóhanna V Þórhallsdóttir

Vorflug á veirutímum

 Vorflug á veirutímum er yfirskrift sýningar Jóhönnu V Þórhallsdóttur myndlistar og söngkonu sem opnar á sunnudaginn 18. apríl nk. Í Gallerí Göngum við Háteigskirkju.  Opnunin verður klukkan 14-17 og verða allar sóttvarnarreglur virtar.

Yfirskrift sýningarinnar er Vorflug á veirutímum en Jóhanna er mikil vorkona. Hún er fædd í hrútsmerkinu og á einmitt afmæli á opnunardaginn. Tónlistin leikur stórt hlutverk þegar hún málar og þessi verk eru mörg, t.a.m. unnin við margs konar tónlist, bæði jazz og klassík.

Þetta er 7. einkasýning Jóhönnu hér á landi, en síðast tók hún þátt í samsýningu í Bad Reichenhall í suður Þýskalandi.

 Jóhanna lauk meistaranámi hjá prófessor Heribert Ottersbach í Þýskalandi í nóvember árið 2019. Áður hefur Jóhanna lokið námi hjá Markúsi Lüpertz í Þýskalandi að afloknu námi hér heima. Jóhanna hefur stjórnað sýningum í Gallerí Göngum frá árinu 2018.

 



Derek Mundell

Derek Mundell opnar sýningu sína Úr alfaraleið laugardaginn 13.mars kl 14-17 í Gallerí Göngum Háteigskirkju. Um sýninguna segir Derek ma.

„Í mínum huga krefst íslenskt landslag þess að vera túlkað í stærra sniði en ég er að nota á þessari sýningu. En vatnslitirnir hafa reynst mér erfiðir hingað til þegar ég hef reynt að stækka sniðið – þangað til ég prófaði Yúpó plastpappír. Hér var komið yfirborð sem fyrirgaf mistökin hjá mér. Það hefur tekið tíma og þolinmæði að kynnast þessu efni sem er í senn framandi og spennadi; ekki ólíkt landinu sem tók mig í fóstur fyrir næstum fimmtíu árum. “

Valgerður Björnsdóttir

Á föstudaginn 12.febrúar,  kl 15-18 opnar Valgerður Björnsdóttir sýningu í Gallerí Göng/um.  

Um sýninguna Náttúrustemmur segir Valgerður :
Sýningin samanstendur af verkum sem urðu til á síðasta ári. Þau eru unnin með solarprintaðferð sem er eiturefnalaus og notaðar ljósnæmar plötur sem lýstar eru með sólarljósinu, framkallaðar með vatni og þrykktar eins og ætingarplötur og með Gum Bichromate aðferð þar sem notað er ljósnæmt efni, gummí arabikum og vatnslitur.
Eins og nafn sýningarinnar gefur til kynna er það náttúran sem er í fyrirrúmi. Í gönguferðum mínum á Ströndum í mikilfenglegri og síbreytilegri náttúrunni tók ég mikið af myndum sem ég nýtti mér sem kveikju í verkin og oftar en ekki varð ég uppnumin.
Fegurð, kyrrð, stilla en samt alltaf hreyfing, breytileiki.
Sagan, náttúran og tilbrigði við hana eru mér afar hugleikin og fljóta á einhvern hátt um verk mín. Litrík einþrykksverk, solarprint, ljósmyndaætingar oft með sögulegu ívafi og silkiþrykk á silki (textíll) eru helstu viðfangsefni mín. Ég lauk námi í grafikdeild MHÍ 1999 og hef sótt fjölmörg námskeið í grafík. Er meðlimur í SÍM, í stjórn félagsins Íslensk grafik og tek þátt í að reka Gallerí Korpúlfsstaði.

Helgi Þorgils Friðjónsson

Helgi Þorgils Friðjónsson opnar sýningu sína laugardaginn 12. desember og stendur hún út janúar 2021. Um sýninguna segir Helgi Þorgils; Þegar kirkjur eru heimsóttar sér maður oft á látlausum hliðarveggjum 14 málverk, eða listaverk hverskonar, sem sýna Krist með krossinn á öxlinni, stíginn til Mount Calvary. Stundum sýna þær hann bera krossinn nokkuð léttilega, en í önnur skipti örmagna og þjáðan. Fyrir mér er þetta einskonar mantra, talnabönd og annað sem bera mann í ástand sem tengir við annað ástand. Við hverja mynd hugleiðir áhorfandinn, eða horfist í augu við sjálfan sig. Leiðin markast af því að Jesú fellur með krossinn, eða Jesú horfir í augu móður sinnar, o s frv. Frægar tilvitnanir í krossburðinn í list nútímans er verk Barnett Newman, The stations of the Cross, og svo kvikmynd Mel Gibson, The passion of the Christ. Ég kópíera 14 myndir úr listasögunni, eftir fræga og minna fræga listamenn, og set sjálfsmynd í kristsmyndina. Allar fjórtan stöðvarnar eru eitt verk. Hver og einn verður að gera það upp við sjálfan sig hvað það þýðir, og hvort það sé trúarlegt verk eða ekki. Það sýnir mannlega breytni, mannleg örlög og hugmyndir. Einnig sýnir það hugmyndir listamannanna og tímann sem frumverkið er gert, og tímann sem mitt verk er gert. Jafnvel tæknilegar vangaveltur eða skóla. Myndirnar eru gerðar eftir litlum prentum, stundum ógreinilegum, svo þær eru jafnvel ekki raunverulegar eftirmyndir. Allar myndirnar eru olíumálverk unnin á striga og unnin frá fyrstu drögum 2014 – 2020.

2020

Jón Guðmundsson

Verið hjartanlega velkomin á opnun sýningar Jóns Guðmundssonar. Jón hefur verið þekktari fyrir flautuleik og kennslu en myndirnar sínar. Nú sýnir  hann á sér nýja hlið. Um sýningu sína; Áhrif að austan segir Jón;

„Haustið 1988 tókum við hjónin þá ákvörðun að taka okkur upp frá Reykjavík og flytja austur á Hallormsstað. 

Fyrir austan fékk ég andann yfir mig og prófaði ýmislegt sem ég hefði sennilega aldrei látið mér detta í hug í höfuðborginni. Ég steig m.a. leiksvið í Valaskjálf á Egilsstöðum, söng í kirkjukór Vallaneskirkju, skrifaði leikrit og sögur, hélt ljósmyndasýningu á Skriðuklaustri, hóf að spila aftur á flautu,koma víða fram, asnaðist til að prófa að mála myndir og kynntist sveitalífi í fyrsta skipti.

Þessar myndir sem ég sýni hér eru allar undir áhrifum frá árum mínum á Hallormsstað. Nýjustu myndirnar, af útsæðinu urðu til er vinir mínir Eymundur og Eygló bændur í Vallanesi héldu jarðeplahátíð í október síðastliðnum. Þar var m.a. reynt að sýna ýmis litbrigði kartaflna. Ég hef einnig farið í Vallanes á vorin til að hjálpa Eymundi að setja upp útsæði. Ljósmyndirnar eru úr Vallaneskirkju en “gömlu” myndirnar gerði ég á Hallormsstað. Sýningin er tileinkuð Fljótsdalshéraði sérstaklega Hallormsstað og Vallanesi.

Hrönn Björnsdóttir

Hrönn Björnsdóttir opnar sýninguna Hlíðar, í Gallerí GÖNG/um, laugardaginn 3.október 14-17.

Sýnd verða ný abstrakt landslagsmálverk unnin í blandaðri tækni á striga og pappír.  Þetta er sjötta einka sýning Hrannar.

Hrönn Björnsdóttir (f. 1965 á Akureyri) lauk prófi í landslagsarkitektúr frá Universität Hannover í Þýskalandi árið 2001. Hún hefur stundað nám í Myndlistarskóla Kópavogs og sótt fjölmörg námskeið bæði erlendis og á Íslandi. Hrönn hefur haldið fimm einkasýningar og tekið þátt í fjölmörgum samsýningum á Íslandi, í Þýskalandi, Svíþjóð og USA. Aðalviðfangsefni list hennar er: leitin að innri kyrrð, sem hún vinnur með blandaðri tækni ýmist á við, pappír eða striga. Myndirnar á sýningunni er unnar á striga og pappír.

 

Tengsl

Myndlistarsýningin Tengsl verður opnuð 29. ágúst í Gallerí Göng Háteigsvegi. Að sýningunni standa þrír einstaklingar sem tengjast fjölskylduböndum vestur í Súgandafjörð. Þau eru, Hafdís og Haukur Harðarbörn og Karla Dögg Karlsdóttir.
Karla Dögg Karlsdóttir
Sækir efnivið sinn m.a. í margyfirkeyrða bílaparta og annað járn, fundið á götum borgarinnar, og saumar út í ryðgað járn og jafa. Karla Dögg veltir fyrir sér mýkt og hörku í mismunandi efni og þögn útsaumsins í höndum kvenna.
Hafdís Harðardóttir
Fjöllin, birtan, blómin – Að reyna að ná fram þeim hughrifum sem maður verður fyrir út í náttúrunni, á pappír, striga, gifs, marmara, með olíu, akryl, bleki, hamar og meitli, er og verður ævilöng áskorun.
Haukur Harðarson
Fljótlega eftir að ég byrjaði að mála þurfti ég að taka ákvörðun. Leyfa öðrum að sjá eða kaupa bílskúr? Ég valdi fyrri kostinn og hef haft gaman af.
Haukur sýnir akrílmálverk sem öll hafa náttúru tengingu.

Ragnheiður Guðmundsdóttir

Ragnheiður Guðmundsdóttir (1966) myndlistarmaður opnar sýningu sína, tólf-lær-dóms-rík-ár 2008-2020 í Gallerí Göng/um fimmtudaginn 16. júlí kl 17 Ragnheiður útskrifaðist með BA úr textíl frá LHÍ árið 2000 og MA í myndlist frá LHÍ vorið 2019. Hún hefur tekið þátt í fjölda sýninga hér heima og erlendis á þessu tímabili.

Halla Kolbeinsdóttir

Halla Kolbeinsdóttir er sjálflærður listamaður. Hún málar aðallega í olíu og notar stundum blandaða tækni. Hún veltir fyrir sér samspili hins lífræna og tækniheim mannsins. Plöntur og frumur fléttast saman við skjái og fræ í óhlutbundnum ævintýraheimum. Hún hefur sótt myndlistarnámskeið í Englandi, Bandaríkjunum, Myndlistarskóla Kópavogs og hjá Bjarna Sigurbjörnssyni, listmálara. Hún hefur unnið í vef- og tæknigeiranum í um 20 ár. Þetta er önnur einkasýning listamannsins en áður hélt hún ljósmyndasýningu í Wilmington í Norður-Karólínu árið 2003 undir nafninu Halla Roberts.  

Hulda Leifsdóttir

Hulda opnaði 15.mars sl sýningu í Galleríi Göngum meðð 12 abstrakt-málverkum. Sýningin sem hét Umbreyting og vísar í Mysterium tremendum et fascinans, sem við og jörðin göngum í gegnum og sem er í senn heillandi og ógnvekjandi. Hulda hefur verið starfandi listamaður síðan 1986, sýnt bæði á Íslandi og svo í Finnlandi og á Álandseyjum. Hún hefur lært í myndlistarskólanum í Pori, Finnlandi ásamt hjá mörgum lærimeisturum og námskeiðum, m.a. flókaverk og íkonmálun. Abstrakt-málun lærði hún í fjarnámi hjá bandarískri listakonu Nancy Hillis M.D. Upphaflega stóð til að sýningin stæði fram í miðjan apríl, en vegna Kóvid 19 var sýningin opnuð aftur 17.maí og stóð fram í miðjan júní 2020

Kristbergur Ó Pétursson

 6.febrúar 2020.  Kristbergur á að baki margar einkasýningar, enda virkur í sýningarhaldi síðan hann kom heim úr námi í Amsterdam 1988.  Jón Thor Gíslason myndlistarmaður segir um verk Kristbergs:
„Það kveður við nýjan tón í verkunum sem sýndar eru hér á sýningunni.
Litirnir eru núna ríkari en við eigum að venjast í eldri myndunum.
En það er ekki bara það. Ef betur er að gáð má sjá glitta í einhverja
veru sem er á ráfi í myndfletinum. Til þessa hefur það verið
einkennandi
fyrir málverk Kristbergs að þau eru óhlutbundin ef svo má segja,
allavega mannlaus.
Hver er þá þessi mannvera?
Hvað er hún að gera þarna og hvaða hlutverki gegnir hún?“

 

 

Jóhanna V Þórhallsdóttir

Taktur og tilfinning. Jóhanna V Þórhallsdóttir sunnudaginn 8.desember kl 12 eða strax á eftir messu  í Háteigskirkju og stendur opnunin til kl 15.  Myndirnar málaði Jóhanna á þessu ári. Þetta er 6 einkasýning Jóhönnu hér á landi, en hún tekur auk þess þátt í samsýningu í Þýsalandi um þessar mundir. Í lok nóvember á þessu ári,  lauk Jóhanna meistaranámi hjá prófessor Heribert Ottersbach í Bad Reichenhall akademíunni.  Jóhanna hefur stjórnað Gallerí Göng/um frá árinu 2018 og hafa verið haldnar. 12 sýningar á árinu. Yfirskrift sýningarinnar Taktur og tilfinning vísar í tónlistina, sem leikur stórt hlutverk hjá Jóhönnu þegar hún málar. Myndirnar hreyfast í takt við tónlist sem er alltaf nálæg í sköpun Jóhönnu.

 

 

2019

Vatnslitafélag Íslands

Um Vatnslitafélag Íslands október-nóvember 2019

Vatnslitafélag Íslands er nýtt félag stofnað í febrúar á þessu ári. Félagar eru nú 165 talsins. Eins og nafnið gefur til kynna þá er hér um að ræða landsfélag fyrir þá sem stunda vatnslitamálun. Félagar eru á aldrinum 27 til 93 ára og eru ýmist atvinnulistamenn eða áhugalistamenn. Tilgangur félagsins er að efla stöðu vatnslitamálunar og stuðla að samvinnu félagsmanna á því sviði.

Samsýning Vatnslitafélags Íslands

2019

Litka

Veriði hjartanlega velkomin á opnun á morgun 7. september kl 14-16 í Gallerí Göngum. Þar verður samsýning félaga í Litku, sem er myndlistarfélag og eru félagsmenn rúmlega 100 Félagar sýna myndir sem unnar eru með vatnslitum, olíu og akríl.

 

Ólöf Björg Björnsdóttir

Ólöf Björg Björnsdóttir opnar sýningu sýna: Manneskjan, Afbygging & Umföðmun  8. ágúst nk. Kl 16-19

Verkin eru unnin í expressíónísku flæði. Viðfangsefnið er manneskjan og sjálfsleit hennar, afbygging og umföðmun sem er tilraun að opna rými tengsla í gegnum listmiðil. Að tengja saman ólík element í átt að heilli mennsku.

 

Fríða Kristín Gísladóttir

 

Friða Kristin Gisladóttir listmálari opnar í Gallerí Göngum, Háteigskirkju, sýninguna “Ljósið líkamnað”  á mánudaginn 15. Júlí  frá  kl 17 – 19, en þann dag verður hún einnig sextug. Það er því gott tilefni til að fagna.Verkin á sýningunni eru að mestu unnin á þessu ári.

 

 

Kristín Geirsdóttir

Óður til jarðar, blá jörð, græn jörð.

Um verk Kristínar hefur Ragna Sigurðardóttir rithöfundur og myndlistarmaður skrifað í sýningarskrána Tværogein:   „Kristín Geirsdóttir hefur um árabil markað sér sérstöðu í íslensku málverki þar sem hún bregður sér í ýmis hlutverk í rannsóknum sínum og sköpun.  Vísindamaðurinn fylgist náið með áhrifum þyngdaraflsins, viðnámi og flæði og ferli olíulita sem renna eins og regndropar á rúðu niður lóðréttan myndflöt eða falla eins og dropar á lágréttan flöt. Málarinn velur liti sem vinna saman og kalla fram ákveðin hughrif. “ . . .  „Auga málarans velur litasamsetningar sem vísa til íslenskrar náttúru og birtubrigða, en einnig innra sálarlífs, sorgar, gleði, íhugunar, þessi myndverk kalla fram hugarástand áhorfandans.  Það má að einhverju leyti líkja málverkum Kristínar við náttúrufyrirbæri sem gjarnan kalla fram innri íhugun eins og streymandi vatnsyfirborð, logandi eld.“

 

Guðlaugur Bjarnason

 „Ferningaflæði“ í maí 2019 Guðlaugur sýnir málverk sem eru unnin á tveimur síðastliðnum árum. Þetta eru ferningar sem fjalla um hornalínur og miðju, eða það sem ferningsformið býður svolítið uppá við fyrstu kynni. En Guðlaugur tekur sirkilinn með í ferlið, frá hverju horni eða miðju jaðars verða til hálfhringir og fjórðungar og málaðir fletir undirstrika tjáninguna og spennuna sem verður til þegar formin mætast. Titlar verkanna vísa einnig vel til þess sem er að gerast í myndunum.

 

 

Daði Guðbjörnsson

Listmálarinn Daði Guðbjörnsson (1954) hefur þegar skipað sér á bekk með athyglisverðustu myndlistamönnum sinnar kynslóðar. Hann hefur farið ótroðnar slóðir í listsköpun sinni og skapað sér sérstæðan og persónulegan stíl þar sem hugmyndir, tákn og tilvitnanir eru honum óþrjótandi viðfangsefni.
 
 
 
 

Magdalena Not

Næsta sunnudag, 24.mars, kl 12 -14  hádegi opnar þýska listakonan Magdalena Nothaft

sýningu á verkum sínum. Yfirskrift sýningarinnar er Hvítt á svörtu, en flestar myndirnar sem hún kemur með til Íslands hefur hún málað á léreft. Einnig kemur hún með myndir sem hún hefur málað á pappa. Magdalena er búsett í suður Þýskalandi og lauk námi hjá Markus Lüpertz .Magdalena á einnig  gallerí í Obertsdorf í Þýskalandi, en þar hafa ma. Íslendingar sýnt verk sín. Þetta er í fyrsta sinn sem hún sýnir á Íslandi.

 

 

Bjarni Hinriksson

Sýningin hans „ MYRKVI “ sýndi okkur inn í heim furðusögu með rætur í okkar eigin. Bjarni Hinriksson er myndasöguhöfundur og kennari við Myndlistaskólann í Reykjavík.  Myndasögur eftir Bjarna hafa birst í dagblöðum, tímaritum og bókum á Íslandi, í Skandínavíu og Frakklandi.

Bjarni Sigurbjörnsson

Sýningin bar yfirskriftina 11. „Að skera í gegnum tíma, í gegnum sögu, að skera sig að eigin uppruna að náttúru gegnum tæknivæðingu og hin nýju skilirí heimsins, skjáheiminn. Drekka blóð jarðar. Skera með pensli til málverksins sem myndvörfum af holdsins upprisu.“ Janúar-febrúar 2019

2018

Helgi Grímsson

Sýningin hans „Málað með þræði og orðum“ er hann sýndi útsaumsmyndir og ljóð sín, vakti mikla eftirtekt. Þetta var fyrsta sýningin hans og vonandi ekki sú síðasta

Jóhanna V Þórhallsdóttir

Jóhanna var með sýninguna „Ég hef augu mín til fjallanna“ og sýndi olíumyndir á striga nóv-des 2018. Jóhanna lauk námi í myndlist í Þýskalandi, en sér aukinheldur um Gallerí Göng

Sara Vilbergsdóttir

21. október 2018 opnaði Sara Vilbergsdóttir sýninguna Vort daglegt brauð í Gallerí Göng/um í Háteigskirkju. Þar voru sýnd verk á ólíkum aldri, það elsta unnið 2006 og yngsta rétt óþornað.  Þau voru unnin með blandaðri tækni, í pappamassa, akríl og olíu svo eitthvað sé nefnt.

Guðbjörg Lind

13.september 2018 opnaði sýning Guðbjargar Lindar Jónsdóttur  Um myndirnar á sýningunni segir Guðbjörg Lind
„Landslagsverk mín eru sprottin úr umhverfi æsku minnar vestur á fjörðum og fela í sér tilraun til að skapa veröld á mörkum hugar og náttúru. Þannig eru þau framlenging á mínum eigin hugarheimi. Viðfangsefni mín hafa löngum tengst vatni, fyrst fossum og síðar sjávarfletinum þar sem eyjar og bátar fljóta á yfirborðinu eða fjallshlíðar og eyrar teygja sig út á hafflötinn. Þráhyggjukennd áhersla á vatn í verkum mínum tengist hrifningu minni á hverfulleika þess og gagnsæi og er líka tengd á einhvern hátt vatnshræðslu minni. Í verkum mínum segir af ferðalagi á vit veraldar þar sem skynja má hið upphafna í sjálfum

Soffía Sæmundsdóttir

Skemmtilegt á opnun í gær12. júlí 2018.  Trú flytur fjöll, myndlistarsýning Soffíu Sæmundsdóttur!

Pétur Gautur

Fimmtudaginn 24.maí kl 17.00  verður opnuð í Gallerí Göng- Háteigskirkju, sýning Pétur Gauts, undir yfirskriftinni “ Skálar “ Sýningin var fram í júní 2018

Guðlaug Friðriksdóttir

Frá uppsetningu og síðan opnun sýningar Guðlaugar Friðriksdóttur, Helgir dagar. Sýningin stendur yfir til 21. maí 2018

Olle Medin

Sænski listmálarinn Olle Medin hlaut menntun sína í listaskólunum í Örebro og Gautaborg og hefur haldið fjölmargar einka- og samsýningar í Svíþjóð og víðar. Verk hans hanga víða í opinberum stofnunum og fyrirtækjum enda er hann með þekktari málurum Svía af sinni kynslóð. Myndir hans eru bæði fjörugar og fjölbreytilegar og iða af lífi. Hann leikur sér að formi og litum á nýstárlegan hátt. Myndefnin eru mörg en abtsrakt verk undir áhrifum frá ítölskum hughrifum eru einkar áberandi. Opnun 15/3 2018