Aðeins um Gallerí Göng

Gallerí Göng eru staðsett í göngunum milli Háteigskirkju og safnaðarheimilis Háteigskirkju. Fyrsta sýningin sem haldin var undir þessu nafni var sýning Ole Medin, listamanns frá Svíþjóð. Síðan hafa verið haldnar sýningar a.m.k. mánaðarlega. Þeir sem hafa sýnt eru auk Ole, Guðlaug Friðriksdóttir, Pétur Gautur, Soffía Sæmundsdóttir, Guðbjörg Lind, Sara Vilbergsdóttir, Jóhanna V Þórhallsdóttir, Helgi Grímsson, Bjarni Sigurbjörnsson,  Bjarni Hinriksson, Magdalega Notcraft, Daði Guðbjörnsson, Guðlaugur Bjarnason og nú hefst ný sýning Kristínar Geirsdóttur. Skipuleggjandi og umsjónarmaður Gallerísins er Jóhanna V Þórhallsdóttir gallerigong@gmail.com 

Ólöf björg Björnsdóttir ágúst-sept

Gallerí Göng eru opin alla virka daga kl 10-16, á sunnudögum kl 11-12. Síðasti sýningardagur 8.júlí.

Fríða Kristín Gísladóttir

Friða Kristin Gisladóttir listmálari opnaði í Gallerí Göngum, Háteigskirkju, sýninguna “Ljósið líkamnað”  á mánudaginn 15. Júlí .Verk Friðu eru Niðurhal Ljóssins. Listamaðurinn málar i hugleiðslu þar sem hún tengir við æðri vitund. Útkoman er birtingarmynd ljóss og ljósvera á striga. Friða er einnig undir áhrifum frá náttúrufyrirbærum eins og norðurljósum og fossum.                           

 

Sýningunni lýkur 6. ágúst

Kristín Geirsdóttir

Óður til jarðar, blá jörð, græn jörð

Um verk Kristínar hefur Ragna Sigurðardóttir rithöfundur og myndlistarmaður skrifað í sýningarskrána Tværogein:   „Kristín Geirsdóttir hefur um árabil markað sér sérstöðu í íslensku málverki þar sem hún bregður sér í ýmis hlutverk í rannsóknum sínum og sköpun.  Vísindamaðurinn fylgist náið með áhrifum þyngdaraflsins, viðnámi og flæði og ferli olíulita sem renna eins og regndropar á rúðu niður lóðréttan myndflöt eða falla eins og dropar á lágréttan flöt. Málarinn velur liti sem vinna saman og kalla fram ákveðin hughrif. Listakonan skapar verk sem byggja á samspili innri og ytri veruleika, náttúrunni umhverfis og í sálinni.“

Guðlaugur Bjarnason

„Ferningaflæði“ opnaði 12. maí á hádegi. Guðlaugur sýndi málverk sem unnin voru á tveimur síðastliðnum árum. Guðlaugur Bjarnason lauk námi við Myndhöggvaradeild MHÍ 1988 og fór á steinhöggvaranámskeið á Gotlandi í Svíþjóð það sama ár. Hann tók þátt í sumarakademíunni í Salzburg í Austurríki 1989. Um haustið hélt hann til Edinborgar í Sculptur School og lauk Diploma of Fine Art um vorið1990. Síðar sama ár lá leiðin til Þýskalands í Kunstakademie Düsseldorf og 1993 útskrifaðist hann svo sem Meisterschuler hjá Magdalena Jetelova. Flutti frá Düsseldorf/Mönchengladbach til Berlínar árið 1995 og bjó þar til 2012, er hann snéri aftur til Íslands.

Guðlaugur hélt margar ljósmyndasýningar í Berlín og tók þátt í ýmsum árlegum samsýningum þar,
svo og listamannahittingum í Skotlandi, Tékklandi, Póllandi, Svíþjóð og Þýskalandi.

Daði Guðbjörnsson

 „ Málað í Nú-Húinu  “ Listmálarinn Daði Guðbjörnsson (1954) hefur þegar skipað sér á bekk með athyglisverðustu myndlistamönnum sinnar kynslóðar. Hann hefur farið ótroðnar slóðir í listsköpun sinni og skapað sér sérstæðan og persónulegan stíl þar sem hugmyndir, tákn og tilvitnanir eru honum óþrjótandi viðfangsefni. Hann er hér við opnun sýningarinnar í miðjunni. Til vinstri er Jón Thor Gíslason og hægra megin er Kristbergur Ó Pétursson. 

Magdalena Nothaft

Sýningin bar yfirskriftina  Hvítt á svörtu. Þar sýndir hún akrýl myndir sem hún hafði málað á léreft. Magdalena er búsett í suður Þýskalandi, Rosenheim og rekur gallerí í Oberstdorf. Þetta var í fyrsta sinn sem hún sýndi á Íslandi.

Bjarni Hinriksson

Sýningin hans „ MYRKVI “ sýndi okkur inn í heim furðusögu með rætur í okkar eigin. Bjarni Hinriksson er myndasöguhöfundur og kennari við Myndlistaskólann í Reykjavík.  Myndasögur eftir Bjarna hafa birst í dagblöðum, tímaritum og bókum á Íslandi, í Skandínavíu og Frakklandi.

Bjarni Sigurbjörnsson

Sýningin bar yfirskriftina 11. „Að skera í gegnum tíma, í gegnum sögu, að skera sig að eigin uppruna að náttúru gegnum tæknivæðingu og hin nýju skilirí heimsins, skjáheiminn. Drekka blóð jarðar. Skera með pensli til málverksins sem myndvörfum af holdsins upprisu.“

Helgi Grímsson

Sýningin hans „Málað með þræði og orðum“ er hann sýndi útsaumsmyndir og ljóð sín, vakti mikla eftirtekt. Þetta var fyrsta sýningin hans og vonandi ekki sú síðasta

Jóhanna V Þórhallsdóttir

Jóhanna var með sýninguna „Ég hef augu mín til fjallanna“ og sýndi olíumyndir á striga. Jóhanna hefur lauk námi í myndlist í Þýskalandi, en sér aukinheldur um Gallerí Göng

Close Menu