Háteigskirkja

Næstkomandi sunnudag 25. október kl. 12:20 til 14:30 (að lokinni fjölskylduguðsþjónustu) mun Háteigskirkja leggja sitt af mörkum fyrir verkefnið JÓL Í SKÓKASSA sem KFUM og KFUK standa fyrir og gengur út á að útbúa jólagjafir handa munaðarlausum börnum í Úkraínu, sjá nánar á vef KFUM og KFUK.

Öllum áhugasömum gefst kostur á að koma saman í Setrinu, sem er kaffistofa á jarðhæð safnaðarheimilis Háteigskirkju, að lokinni fjölskylduguðsþjónustu sunnudaginn 25. október næstkomandi og útbúa gjafir í kassa. Um er að ræða fallega og gefandi samverustund fyrir fjölskyldur og alla sem hafa áhuga á að taka þátt.

Hver kassi þarf að innihalda amk einn hlut úr hverjum af eftirfarandi fimm flokkum:

1) LEIKFÖNG (t.d. lítill bíll eða dúkka …)

2) SKÓLADÓT (t.d. penni, blýantur …)

3) HREINLÆTISVARA (t.d. tannbursti, sápa …)

4) SÆLGÆTI (t.d. sleikjó, karamellur …)

5) FÖT (t.d. sokkar, húfa …)

Kirkjan útvegar skókassa (þó takmarkað magn svo að gott er að taka kassa með) og merkimiða, gjafapappír, einnig eitthvað af hreinlætisvörum og sælgæti (allt án endurgjalds) til að setja í kassana. Þátttakendur koma með leikföng, skólavörur, hreinlætisvörur, sælgæti (í upprunalegum lokuðum umbúðum) og föt sem hæfa aldri og kyni þeirra barna sem þau ætla að útbúa kassann sinn fyrir.

Efst í hvern kassa þarf að leggja 500 – 1000 kr. seðil sem er fyrir kostnaði verkefnisins og eru þátttakendur beðnir um að hafa það einnig meðferðis. Háteigskirkja sér um að koma frágengnum jólakössum til KFUM og KFUK á Íslandi, sem sjá svo um að koma jólagjöfunum til munaðarlausra barna í Úkraínu.

Við hvetjum ykkur öll til að taka þátt!

Fjölskylduguðsþjónusta kl. 11. Sr. Ása Laufey Sæmundsdóttir hefur umsjón með stundinni. Hrönn Helgadóttir organisti leiðir tónlistina. Umfjöllunarefnið er kærleikurinn. Notaleg stund fyrir alla aldurshópa. Kaffi og djús í safnaðarheimilinu að guðsþjónustu lokinni.

Kl. 12:20 hefst verkefnið “Jól í skókassa” í safnaðarheimilinu, öllum er velkomið að taka þátt í verkefninu (sjá nánar um verkefnið í auglýsingu á miðlum Háteigskirkju).

Meðfylgjandi myndir sýna biskup Íslands, Guðrúnu Karls Helgudóttur, þegar hún heimsótti Háteigskirkju í vikunni til að taka upp efni fyrir samfélagsmiðla Biskupsstofu. Biskup fjallaði um BLEIKAN OKTÓBER og flutti fallega bæn fyrir þau sem greinst hafa með krabbamein, fjölskyldur þeirra og alla sem líða, kvíða og stríða. Biskup benti á að 272 konur greinast með brjóstakrabbamein árlega á Íslandi. Í framhaldi blessaði biskup vatn sem stendur í skál fremst í kirkjuskipi Háteigskirkju. Blessað, heilagt vatn er ávallt fremst í kirkjuskipinu og trúin er sú að sá sem ber á sig blessað, heilagt vatn hljóti náð og blessun Guðs, hamingju og velferð.

Verið velkomin í Háteigskirkju.

Bæn biskups á bleikum október:

“Guð lífsins.

Kom með ljósið þitt og lýstu þeim er líða.

Kom með friðinn þinn og hugga þau sem kvíða.

Kom með kærleiksanda þinn og umvef þau sem stríða.

Guð lífsins og vonarinnar, kom til þeirra sem greinst hafa með krabbamein. Gef þeim styrk þinn og von. Blessa fjölskyldur þeirra og ástvini alla.

Hjálpa okkur Guð að styðja hvert annað og vera náunganum sannur náungi.

Guð, vertu loftið tæra sem ég anda að mér og höndin sem ég fæ að hvíla í þegar allt, þegar allt er byrði.

Í Jesú nafni. Amen.”

Minnum á GÆÐASTUND eldri borgara á morgun, þriðjudag 20. október, kl. 13:30 til 15 í Safnaðarheimili Háteigskirkju. Við spilum KONFEKTBINGÓ saman á ljúfum nótum. Vinningarnir eru gómsætt súkkulaði. (Ekkert gjald fyrir spjald). Að venju verður boðið upp á góðar veitingar. Þátttaka er gjaldlaus (frjáls framlög). Verið hjartanlega velkomin! Hlökkum til að sjá ykkur!

Næsta GÆÐASTUND eldri borgara verður næstkomandi þriðjudag 20. október, kl. 13:30 til 15 í Safnaðarheimili Háteigskirkju. Við spilum KONFEKTBINGÓ saman á ljúfum nótum. Vinningarnir eru gómsætt súkkulaði. (Ekkert gjald fyrir spjald). Að venju verður boðið upp á góðar veitingar. Þátttaka er gjaldlaus (frjáls framlög). Verið hjartanlega velkomin! Hlökkum til að sjá ykkur!

Messa kl. 11. Sr. Ása Laufey Sæmundsdóttir prédikar og þjónar fyrir altari. Organisti er Kári Allansson og félagar úr Kordíu, kór Háteigskirkju, leiða söng. Hressing í safnaðarheimilinu að messu lokinni. Verið hjartanlega velkomin!

Mynd: RH

Minnum á GÆÐASTUND eldri borgara á morgun, þriðjudag 13. október, kl. 13:30 til 15 í Safnaðarheimili Háteigskirkju. Berglind Rán Ólafsdóttir, forstjóri ORF Líftækni, flytur erindi sem ber yfirskriftina: “Vistkjöt og framtíðar fæða”. Að venju verður boðið upp á góðar veitingar. Þátttaka er gjaldlaus (frjáls framlög). Verið hjartanlega velkomin! Hlökkum til að sjá ykkur!

Næsta GÆÐASTUND eldri borgara verður næstkomandi þriðjudag 13. október, kl. 13:30 til 15 í Safnaðarheimili Háteigskirkju. Berglind Rán Ólafsdóttir, forstjóri ORF Líftækni, flytur erindi sem ber yfirskriftina: “Byggkjöt og framtíðar fæða”. Að venju verður boðið upp á góðar veitingar. Þátttaka er gjaldlaus (frjáls framlög). Verið hjartanlega velkomin! Hlökkum til að sjá ykkur!

Messa kl. 11. Sr. Ása Laufey Sæmundsdóttir prédikar og þjónar fyrir altari. Félagar úr Kordíu leiða söng undir stjórn Arngerðar Maríu Árnadóttur organista.
Verið hjartanlega velkomin.

Mynd: RH

Minnum á GÆÐASTUND eldri borgara á morgun þriðjudag 6. október, kl. 13:30 til 15 í kirkjuskipi Háteigskirkju. Bára Friðriksdóttir, verkefnastjóri eldriborgararáðs Reykjavíkurprófastsdæma eystra og vestra, flytur erindi sem ber yfirskriftina: “Öldrunarfræði – að eldast vel”. Að venju verður boðið upp á góðar veitingar. Þátttaka er gjaldlaus (frjáls framlög). Verið hjartanlega velkomin! Hlökkum til að sjá ykkur!

Næsta GÆÐASTUND eldri borgara verður næstkomandi þriðjudag 6. október, kl. 13:30 til 15 í veislusal á 2. hæð í safnaðarheimili Háteigskirkju. Bára Friðriksdóttir, verkefnastjóri eldriborgararáðs Reykjavíkurprófastsdæma eystra og vestra, flytur erindi sem ber yfirskriftina: “Öldrunarfræði – að eldast vel”. Að venju verður boðið upp á góðar veitingar. Þátttaka er gjaldlaus (frjáls framlög). Verið hjartanlega velkomin! Hlökkum til að sjá ykkur!