Minnum á Gæðastund eldri borgara, á morgun þriðjudag 5. mars kl. 13:30-15 í veislusal á 2. hæð í safnaðarheimili Háteigskirkju. Á þessari Gæðastund spilum við saman ⚜️KONFEKTBINGÓ⚜️ undir léttum tónum, en vinningarnir eru ljúffengt súkkulaði. (Breyting varð á áður tilkynntri dagskrá þar sem fyrirlesari forfallaðist).
Hlökkum til að sjá ykkur !
Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem ávallt er boðið upp á kaffi og góðar veitingar.
Tími: Þriðjudaga kl. 13:30-15.
Staðsetning: Safnaðarheimili Háteigskirkju (norðurinngangur) í veislusal á 2. hæð.
(Meðfylgjandi myndir eru frá góðri Gæðastund sl. þriðjudag 27. febrúar en þá flutti Aðalsteinn Ásberg Sigurðsson, rithöfundur, tónlistarmaður og útgefandi, erindi sem bar yfirskriftina „Ljóð, sálmar og söngvar“.)