Verið öll hjartanlega velkomin á opnun sýningar Sigurðar Magnússonar í Gallerí GÖNGum , Innrím, laugardaginn 18. janúar kl. 14-16. Boðið verður upp á léttar veitingar! Sýningin stendur til 16. febrúar.

Sigurður lauk MA námi í listmálun frá Central Saint Martins College of Art og Design, University of the Arts London 1996. Áður hafði hann lokið Diploma-námi í Goldsmiths, University of London 1994 og námi frá MHÍ 1991. Atvinnuvegir á Íslandi eins og sjávarútvegur og orkuiðnaður hafa verið viðfangsefni í verkum Sigurðar. Eins er samband manns og náttúru algengt stef í myndum hans. Hann hefur sýnt bæði heima og erlendis. Sigurður sýnir nú abstrakt expressjónísk olíumálverk með skírskotun til lita, forma og áferðar í náttúrunni.