Boðskort – Endurgerð = Didda H. Leaman
Verið öll hjartanlega velkomin á opnun á sýningu Diddu H. Leaman, miðvikudaginn 27. mars kl 16-18
Endurgerð
Eins og nafn sýningarinnar gefur til kynna eru verkin á sýningunni endurgerðir af nokkrum verkum unnum á undanförnum árum, ásamt frummyndunum.
Þau eru abstrakt frekar en hlutbundin, eða, e.t.v. á mörkum þess hlutbundna og óhlutbundna.
Myndirnar vísa í náttúruna og ýmis fyrirbæri hennar, svo sem liti og birtuskilyrði, áhrifa frá ferðalögum milli Reykjavíkur og Hólmavíkur gætir mörgum í myndanna. Þær túlka myndheim sem stenst ekki fyrirfram gefin náttúruskilyrði. Skuggar falla sinn í hvora áttina, svo óvissa ríkir um ljósgjafa. Atriði sem heilla myndhöfund túlka huglæg náttúrufyrirbæri, þetta er náttúra sem býr í hausnum á manni, eða náttúrufyrirbæri yfirfærð í hugann, þar sem náttúrulögmálum er breytt og endurteknar tilraunir gerðar með eigin hugmyndir og fagurfræðiviðmið.
Didda H. Leaman stundaði myndlistarnám á Íslandi, Finnlandi og Bretlandi, auk þess að bæta við sig námi í kennslufræði sjónlista og sjónlýsingum fyrir blinda og sjónskerta.
Eftir námslok í málaradeild við Slade School of Fine Art, University College London bjó hún í London í 20 ár, en hefur verið búsett í Reykjavík frá 2007. Árið 2017 hófst svo Hólmavíkurævintýri Diddu, en frá þeim tíma hefur hún dvalið hluta ársins á Hólmavík.
Didda hefur dvalið í vinnustofum listamanna í Kathmandu í Nepal og Novi Sad í Serbíu. Auk fjögurra mánaða námsdvalar í Barselóna.
Didda er meðlimur SÍM og var meðlimur bow arts í Austur-London, þar sem hún var með vinnustofu. Hún var um tíma sýningarstjóri Hoffmannsgallerís, samstarfsverkefnis Myndlistaskólans í Reykjavík og ReykjavíkurAkademíunnar og meðlimur Nýlistasafnsins, auk þess að taka þátt í nokkrum verkum á vegum
Nýlókórsins. Didda var meðlimur í ARTgallerí Gátt og er einn af stofnfélögum Listfélagsins Steingrímur, sem hefur það markmið að auka aðgengi að listum og menningu á Ströndum.
Styrkir og starfslaun:
2016 Starfslaun listamanna
2015 Starfslaun listamanna (ferðastyrkur)
2015 Leónardó styrkur, til fjögurra mánaða námsdvalar í Barselóna
2014 Atvinnumál kvenna, styrkur til gerðar viðskiptaáætlunar fyrir sjónlýsingaverkefni
2013 Dvalarstyrkur Muggs til vinnustofudvalar í Nepal 2012 Nýsköpunarsjóður námsmanna, styrkur fyrir sýninguna Í Hljóði, samtímalistasýningar með sjónlýsingu fyrir blinda og sjónskerta í Hoffmannsgalleríi
Verk í eigu safna:
Listasafn Reykjavíkur Nýlistasafnið
Sýningar seinustu ára
2022, Umhverfing nr.4, Akademía skynjunarinnar, Hólmavík
2018 Svartalogn, Edinborgarhúsinu, Ísafirði, samsýning, ARTgallery Gátt
2018 Marglaga – Ferningaferli – Kyrrð, samsýning, ARTgallery Gátt
2017 Gáttaþefur, samsýning, ARTgallery Gátt
2016 Fuglasöngur og Mold, – 1-10/3- Lóa og Krummi. Höfundar, Þórunn Hjartardóttir og D.H.L. 6.02. tvö hljóðverk flutt af Nýlókórnum í safni Einars Jónssonar, stjórnandi Þráinn Hjálmarsson.
2015 Síendurtekin lög, Sím-salurinn, Reykjavík, einkasýning
2013 Tilfærslur, Gryfjan, Listasafn ASÍ, einkasýning 2013 Paralell Journeys, KCAC Patan, Nepal
2013 Undir berum himni, samsýning í Þingholtunum, hluti af dagskrá Listahátíðar í Reykjavík

