Verið hjartanlega velkomin á Gæðastund í Háteigskirkju á morgun þriðjudag 31. janúar kl. 13:30-15. Dr. Sigurjón Árni Eyjólfsson héraðsprestur Reykjavíkurprófastsdæmi eystra flytur erindi sem ber yfirskriftina “Táknfræði kirkjurýmisins” og verður táknfræði kirkjurýmis Háteigskirkju skoðuð.

Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í Safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem boðið er upp á kaffi og góðar veitingar.
(Myndir frá góðri Gæðastund í Háteigskirkju þann 24. janúar sl. (Sr. Elínborg Sturludóttir dómkirkjuprestur flutti áhugavert erindi um pílagrímaferðir) og af norðurinngangi Safnaðarheimilis kirkjunnar þar sem Gæðastundir fara fram í veislusal á 2. hæð, aðgengi fyrir alla).