Sunnudagur 23. apríl: Messa kl. 11. Sr. Jón Ásgeir Sigurvinsson prédikar og þjónar fyrir altari. Félagar úr Kordíu, kór Háteigskirkju, syngja.
Organisti er Guðný Einarsdóttir.
Kaffispjall í safnaðarheimili eftir messu.
Verið hjartanlega velkomin !

Foreldrar með ungabörn:

Verið hjartanlega velkomin á Foreldramorgunn í Háteigskirkju á morgun, miðvikudaginn 19. apríl kl. 9:00 – 10:00 í Safnaðarheimili kirkjunnar (norðurinngangur, í Setrinu – kaffistofurými á 1. hæð, gengið strax til hægri inn á stuttan gang þegar komið er inn í Safnaðarheimilið). Kaffi, spjall og leikföng fyrir börnin að skoða.

Ferming kl. 10:30. Sr. Eiríkur Jóhannsson prédikar og sr. Helga Soffía Konráðsdóttir þjónar fyrir altari. Jón Hafsteinn Guðmundsson leikur á trompet. Kordía, kór Háteigskirkju syngur. Organisti er Guðný Einarsdóttir. Fermingin er sú þriðja og síðasta á þessu vori í Háteigskirkju en að þessu sinni munu 38 börn fermast í athöfninni. Aldrei hafa fleiri börn fermst í einni og sömu athöfn í kirkjunni og því eigum við von á fjölmenni á sunnudaginn.

Verið hjartanlega velkomin á Gæðastund í Háteigskirkju á morgun þriðjudag 28. mars kl. 13:30-15. Á þessari síðustu Gæðastund á vormisseri verður HARMÓNIKKUBALL en Ásta Soffía Þorgeirsdóttir harmónikkuleikari kemur og leikur fyrir dansi.

Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í Safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem boðið er upp á kaffi og góðar veitingar.
(Myndir frá góðri Gæðastund í Háteigskirkju þann 21. mars sl. þegar Atli Ingólfsson tónskáld flutti erindi um tónverk sitt “Elsku Borga mín“ þjóðlegan fróðleik byggðan á sendibréfum frá Ásgarði í Dölum. Einnig fylgir mynd af norðurinngangi Safnaðarheimilis kirkjunnar þar sem Gæðastundir fara fram í veislusal á 2. hæð, aðgengi er fyrir alla.)

Sunnudagur 25. mars: Fjölskylduguðsþjónusta kl. 11 í Háteigskirkju. Prestur er sr. Jón Ásgeir Sigurvinsson, organisti er Arngerður María Árnadóttir. Kór Ísaksskóla syngur undir stjórn Bjargar Þórsdóttur. Hressing í Safnaðarheimili eftir messu. Verið hjartanlega velkomin !

Stjórnandi Barna- og unglingakórs Háteigskirkju, Guðný Einarsdóttir organisti Háteigskirkju, og stjórn kórsins, sem skipuð er foreldrum barnanna, þakka hjartanlega öllum þeim sem mættu og tóku þátt í afar vel heppnuðu og stórskemmtilegu páskabingói kórsins sl. sunnudag 19. mars, en bingóið var haldið til fjáröflunar fyrir ferð kórsins á kóramót í Svíþjóð í vor. Páskabingóið var einstaklega vel sótt og var mikil og góð stemming í salnum, enda fjölmargir veglegir vinningar í boði frá fyrirtækjum sem gáfu varning sem framlag til fjáröflunar vegna kórferðarinnar. Er þeim hjartanlega þakkað fyrir stuðninginn.

Verið hjartanlega velkomin á Gæðastund í Háteigskirkju á morgun þriðjudag 21. mars kl. 13:30-15. Atli Ingólfsson tónskáld flytur erindi um tónverk sitt “Elsku Borga mín“ þjóðlegan fróðleik byggðan á sendibréfum frá Ásgarði í Dölum.

Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í Safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem boðið er upp á kaffi og góðar veitingar.
(Myndir frá góðri Gæðastund í Háteigskirkju þann 14. mars sl. þegar Alma Sigurðardóttir sérfræðingur Húsasafns Þjóðminjasafns Íslands flutti erindi um Húsasafnið, merkar minjar og mikilvægi varðveislu. Einnig fylgir mynd af norðurinngangi Safnaðarheimilis kirkjunnar þar sem Gæðastundir fara fram í veislusal á 2. hæð, aðgengi er fyrir alla.)

Prestur er Eiríkur Jóhannsson
Organisti er Guðný Einarsdóttir
Vox Feminae syngur undir stjórn Stefan Sand.
Hressing í safnaðarheimili eftir messu.

Verið hjartanlega velkomin á Gæðastund í Háteigskirkju á morgun þriðjudag 14. mars kl. 13:30-15. Alma Sigurðardóttir sérfræðingur Húsasafns Þjóðminjasafns Íslands flytur erindi um Húsasafnið, merkar minjar og mikilvægi varðveislu.

Gæðastundirnar eru stundir þar sem eldri borgarar koma saman, á þriðjudögum kl. 13:30-15:00, í Safnaðarheimili Háteigskirkju og boðið er upp á áhugaverð, fróðleg og skemmtileg erindi af ýmsum toga auk þess sem boðið er upp á kaffi og góðar veitingar.
(Myndir frá góðri Gæðastund í Háteigskirkju þann 7. mars sl. þegar Sr. Eiríkur Jóhannsson prestur í Háteigskirkju flutti erindi sem bar titilinn “Sálmaskáldið á Stóra-Núpi”. Einnig fylgir mynd af norðurinngangi Safnaðarheimilis kirkjunnar þar sem Gæðastundir fara fram í veislusal á 2. hæð, aðgengi er fyrir alla.)