Margrét Vala Kristjánsdóttir (f. 1962) á tilkomumikinn feril að baki, hún er myndlistarkona, lögfræðingur, dósent og doktor í lögfræði frá Oslóarháskóla. Margrét starfaði í 18 ár við lagadeild Háskólans í Reykjavík (HR) sem dósent, en þar sérhæfði hún sig í stjórnsýslurétti. Áður hafði hún starfað hjá umboðsmanni Alþingis og sem lögmaður. Eftir 18 ár hjá HR ákvað Margrét að söðla um og láta draum sinn um að sinna listinni að aðalstarfi rætast, en hún hefur unnið að myndlist í hjáverkum í mörg ár. Verk Margrétar á sýningunni “Þessi tími árs” gefa tilfinningu fyrir frelsi sem lesa má í samhengi við hennar áhugaverða feril og hugrekki.