Foreldramorgnar

Foreldramorgnar eru á miðvikudagsmorgnum frá kl. 10.00 til 12.00 og hittast  þá foreldrar ungra barna í Setrinu á neðri hæð safnaðarheimilis Háteigskirkju og hefur Rannveig Eva Karlsdóttir umsjón með stundunum.

Hér er kjörið tækifæri fyrir foreldra ungbarna sem vilja kynnast öðrum og miðla reynslu sinni. Mikil áhersla er lögð á að foreldrar hafi nægan tíma til þess að spjalla saman, hvort heldur börnin sofa úti í vagni eða leika sér hér á gólfinu við hliðina á þeim. Auk þess er boðið upp á kaffi og með því.

Reglulega er boðið upp á fjölbreytt fræðsluerindi sem tengjast foreldrahlutverkinu, ungbörnunum eða umönnun þeirra.